هع هع حلوة سى عبده ديه بتمزجنى قوى 
أى خدمة يا سى عبده
الفطـار يا أمينة 
الفطار جاهز محمر ومشمر والعيش مقمر
وزى ما قلتلك رجعلك تانى لازم اوفى كلمتى وادينى جتلك اقلك كام سؤال على الماشى ... او على الواقف هما كام سؤال وخلاص 
المهم ...
1 _ عامله ايه .... ؟
الحمد لله
2_ علاقتك ايه مع ربنـا ....؟
ومين فينا مدى لربنا حقه
مش هكدب انا فعلا مقصرة فى فروض وحق ربنا عليا وحق ربنا مش هنقدر نديهوله الى يوم القيامة
لكن بحاول والله اعمل خيرعلى قد ما اقدر
وانا أنضميت لفريق جمعية رسالة لرعاية الايتام
وبجدانا سعيده جداااا بالعمل ده عمل خيرى جدااا
وبدعوكم للانضمام الى اى فرع من فروع جمعيه رسالة القريب من منازلكم
وعلى حسب ظروفك ووقتك واللى يناسبك
وانت بتحدد وتختار العمل المناسب اللى تقدر تقوم بيه لخدمة الاطفال الايتام زى
تعليم الاطفال الايتام القراءة والكتابة أو غسيل ملابسهم وكويها
أونظافتهم الشخصية
خدمات كتير نقدر نساعدهم بيها بالاتفاق مع ادارة الجمعية
وهتحسو بسعاده كبيرة اوى والله
ويمكن الاطفال دول يكونو سبب يغفر بيه الله زنوبنا ويدخلنا جناته
3_ ايه اقتراحاتك لتطور المنتدى ...؟
المنتدى هيطور اتوماتك لما يكون فيه تواجد للأعضاء والمنافسة الشريفة تظهر
والافكار تتجدد على حسب ردود الافعال
أكيد هنكمل بعض بس يكون فيه تواجد مستمر
4_ يا ترى عجبك الناس اللى هنـا من ناحيه الافكار والمواضيع
الناس اللى هنا أحسن ناس
والله اللى اعرفهم وناقشونى فعلا وكنت مستمتعة جدا بالمناقشة معاهم زيك انت ودريم وفراولة
يا عبده
لكن انا خت فكرة عن بعض المواضيع لقيت فيها مواضيع جميلة ومفيده بس مفيش اهتمام من اصحابها بالمناقشة الجيده
فى مواضيع كتير منقوله هى حلوة لكن بقت متكررة بشكل ملحوظ اوى فى كل المنتديات يعنى
اتحفظت عن ظهر قلب وبقصد طبعا موضوعات المنتدى العام
وليا وجه نظر فى الموضوعات المنقوله يعنى اللى يحب ينقل موضوع ممكن ياخد الفكرة فقط
ويعيد هو كتابة الموضوع بطريقته هو وبأفكارة وبوجه نظر جديده ده هيفيد أكتر من نقل
الموضوع من غير أى اضافة جديده
فى حاجة تانية اللى بينقل موضوع اكيد بيدخل جوجل شاف ان الموضوع متكرر كتير
ملوش لزمة ينقله لانة هيكون معروف لأعضاء المنتديات كولها
ومحدش بيهتم بموضوع شافة قبل كده
يعنى نقل المواضيع عايز وعى وتفكير برضو
وديه وجه نظرى
5_ ايه رأيك فى الوطن العربى وازاى يتصلح لو مش كويس
وانا هفكر فى الوطن العربى كله ليه
انا مش بفكر فى الوطن العربى كله انا بفكر فى بلدى فى ناسها الغلابة فى شبابها العاطل
فى مرتبات الموظف الضعيفة
بحلم بحياه كريمة يعيشها كل مواطن ياكل ويلبس ويتعلم ويعيش عيشة كريمة تليق بأدميته كأنسان
لما تيجى بالصدفة تمشى جنب مناطق عشوائية
بتقول الناس دية عايشة ازاى بجد بيصعبو عليا جداا
6_ استفدتى ايه من حياتك عمتاً
اتعلمت وعرفت ناس وأصدقاء والتجارب والأحتكاك بالناس بيعلم حجات كتير
7_ ايه اجمل كلمة تحبى تسمعيها
بحبك وحشتينى
8_ يا ترى بتقرى لمين بتتفرجى على ايه بتاخدى حصيلتك الثقافيه منين
انا بقرا اللى يقع فى ايدى
كتاب مجلة ورقة بطاطا أى حاجة بقراها
حصيلتى الثقافية ختها من بابا وماما ومن اللى بقراه طبعا ده غير اشتراكى بالمنتديات اتعلمت منه كتير اوى
9_ مثلك الأعلى مين
بابا
10 _ يا ترى امتى حسيتى بالضعف وامتى شعرت انك اقوى من فى الدنيا
أحس بالضعف لما أنظلم وأحس بالقوة لما ربنا يرجعلى حقى
وبكده نكون خلصنا الاستجواب
تقلش كان استجواب فى مجلش الشعب
ميرسى يا ستورم
وبجد انا سعيده بأسئلتك الجميلة ويارب أكون قدرت اعرف الناس
على شخصيتى من خلال أجابتى
الرئيسية 
الأحد أكتوبر 07, 2007 3:46 am
انا قعدونى قبل كده 
مش عارفة اللي يرد بعدي هو اللي يختار
هههههههههههههههههههههههههه
