1- اية احساسك وأنت منور كرسى الاعتراف؟
مبسوط انى معاكم بس بدعى ربنا انه يبعدنا عن الاسئله المحرجة
2-أدينى فكرة عن حياتك من وجهة نظرك؟
مفيش حياة كده غريبه ساعات بحس ان ملهاش معنى وبحس انى مليش لزمة خالص
وعمتاً هى حياة عاديه زى اى حياة بس انا بحاول انى اخليها حياة اسبشيل يعنى حاجة
مختلفة وربنا يعنى يا رب
3-أمتى بتبقى راضى عن نفسك؟
لما بحس انى عملت الصح تجاه ربنا وامى وابويا والناس كلها ولما اذاكر كويس
ملحوظة مش بيحصل انى اذاكر كويس
4-هل فى حياتك شخص تدين لة بالفضل؟ ولو فى هومين؟
فى ناس كتير منهم ابويا وامى سبب وجودى فى الحياة ومنهم صحبى الى خلانى اقرا
ودكتور نبيل فاروق الى علمنى يعنى ايه قراءة وتأليف
والشيخ محمد حسان الى علمنى يعنى ايه دين وغيرهم فى ناس كتير
ومش عارف اكتب مين ولا مين اصلى مش عايز انسى حد بس دول الى حاضرين
فى ذهنى دلوقتى
5-شخصية نفسك تشوفها فى المنتدى؟
كلكوا
6-أخر هدية جتلك أمتى؟ومن مين؟
اخر هديه على ما افتكر كانت من علا وصحابتها مش فاكر قوى والله
7-موضوع فى المنتدى قريتة وأثر فيك؟
مش فاكر
8-أية المادة اللى كنت بتكرها فى الثانوية العامة؟
النحــــو فى العربى
9-مين أكتر شخص بتخاف منة فى المنتدى؟
مش بخاف غير من ربنا
10-موقف كشفلك حقيقة شخص غالى عليك؟
يوم ما عرفت حقيقة الكدبه الكبيرة
وبرضه فى مواقف تانى يوم ما جه صاحبى من السفر بدل ما يسلم عليا
يقلى النت فاصل ليه اصله كان مشترك معايا فى نفس النت ....
11-موقف خلى شخص يكبر فى نظرك؟
ما افتكرش
12-أية الموقف اللى مش ممكن تغرة لـحبيبتك؟
يوم شم النسيم ساعة ما كانت عايز تخلينى اغير بسبب الافعال الى كانت بتعملها
13-الموت والحياة ماذا يعنى ليك؟
الموت من الحقائق النادرة الاكيدة فى الحياة
الحياة مشوار طويل اخرتـه كفن وقبـر
14-كم مرة تمنيت الموت؟
عمتاً حصل مرات عديدة بس مش فاكر كام بالزبط بس حرام على فكرة تمنى الموت
فخلاص الحمد لله خلصت الامنيه ديه
15-أمتى تقول لأنسان حسبى الله؟
لما احس بالظلم الشديد منه مع انى معملتش فيه حاجة تحتاج الظلم ده
ولما اكون مش قادر اعمله حاجة
16-أخر هدية جتلك أمتى ومن مين؟
سؤال مكرر
اليوم من الصبخ بقه نعتبره من الفجر بصلى الفجر حاضر فى الجامع
وبعدين انام اصحى بقه زى ما اصحى اعد شويه وبعدين على الكمبيوتر طوالى
وافضل قاعد عليه لغايه الصبح لو محدش من اصحابى عدى عليا او مفيش سبب اخرج ليه
بس حياة مللة صح
18-أية هى الاغنية اللى ممكن تغنيها وانت مش واخد بالك؟
مش بحب اغنى
19-أية الحاجة اللى ممكن تضعف قدامها؟
.,...
.... المال والبنـات
20- لمـــا بتضايق بتلجأ لــمين بعد ربنا؟ بمـعنى هل بتحكى لــــــــــحد؟ هو مين؟
لا مفيش فى مرة حصلتلى نكسة كبيرة السنادى ملقتش حد احكيله خالص حد يفهمنى يقدر
يخفف من علينا غير نفسى
21-عضو بتحب تقرئ مواضيعة؟
مفيش عضو محدد
22-مـين نفسك تشوفة فى المنتدى؛ ومـين نفسك تبعدة عن المنتدى؛ ومين نفسك تقدم لة هدية؟
نفسى اشوفكوا كلكوا
ومابعدش حد انا مالى انا
نجـلاء وانتى يا نرمين .....لانكوا الى خلتونى ارجع اكتب تانى
ولبعض اسباب بحب احتفظ بيها لنفسى
23-أية أجمل حاجة فى منتدى دريـــــــــــم ونفسك تستمر؟ وأسوأ حاجة ونفسك تغيرها؟
اجمل حاجة الحب الى بين الاعضاء ....
واسوأ حاجة هوا عدم وجود الاعضاء بعدد وفير
24-وجه كـــــلمة لــــــــــكــــــــل من....
هارتى :معرفهاش اوى بس بنوته باين عليها لزيزة
فراولة : ببعتلها احلى كلام وبقلها ربنا يخليكى لينا يا رب
سوكى :ببعتلها باقة ورد وبقلها الف سلامة يا جميل
زنوبة :بتمنالها سنة سعيدة وبقلها ربنا يكرمك يا رب انتى السبب فى الزنقة ديه
دريم:ربنا يزيل عنكـ يا احمد وترجعلنا تانى وتنور منتداك
كريم ايمو:حبيب قلبى بتمناله حياة سعيدة وببنت الحلال
نرمو :
نقول ايه نقول ايه
الكلام خلص ولا ايه
ببعتلها اجمل وارق كلمات الشكر على الاسئله الجميله ده
25-مين العضو اللى ممكن تختارة بعدك على كرسى الاعتراف؟
ربنا يسهل بقه كله يخلى باله من نفسه
ـــ أخر سؤال بقى
الحمد لله
26- أية أكتــــــــــــر سؤال عجـــــــــــبك؟ وأكــــــــــــتر سؤال دايقك؟
كل اسئلتلك عجبانى ومعنى كده انى مفيش سؤال ضايقنى
وللحديث بقية
يعنى لسه محبوس على ذمة القضيه
الرئيسية 
الخميس يونيو 21, 2007 8:19 pm
ماشي يانيرموووو
مش لاقية جواب