أحم أحم
123 الله الله
معلش بس تجربه للصوت
المهم نخش فى الاستجواب
ونبدأ ونرد ونقول الحمد لله انا كويس
ومن غير تطويل نبدأ نجاوب على اسئلت وكيل النيابه
1ـ اسمك وسنك وعنوانك؟
اسمى عبد الرحمن محمود ابلغ من العمر 18 سنة وحته
عنوانى 7 شارع زكريا مصطفى بولاق الدكرور
2ـ اكلتك المفضلة؟
اشمعنه انتى هتعزمينى على الغدا
المهم المكرونة بالصلصلة المتغرقة فى الصلصلة
3ـبتشتغل ولا لا؟؟ لو بتشتغل بتشتغل ايه ولو مش بتشتغل يعنى بتدرس بتدرس ايه؟؟
مش لاقى شغل
كليه تجارة جامعة القاهرة
4ـ ايه هى هوايتك المفضلة؟؟
الكتابه القراءة كرة القدم الكميبوتر طبعاً
بس الطاغى حالياً الكمبيوتر
5ـ ايه هو حلمك اللى نفسك يتحقق دلوقت؟؟
انى ابقى غنى
او على الاقل الاقى شغل يقدر
يحقق الى فى بالى مؤقتـاً
6ـ ايه هوالموقف المحرج اللى اتعرضت له وكان احرج واصعب موقف فحياتك؟؟
ومش فاكر عمتاً ايه اقوى موقف ....واصعب موقف فى حياتى يوم ما عرفت
انى طلعت لعبة فى ايد صحابى اعز صحابى والى بحبها
عموماً حصل خير ان شاء الله يولعوا فى مركب فى المحيط وما يلقوش حد يطفيهم
على رأى اطاطا
7ـ ايه هى الصداقة من وجهة نظرك بالنسبة للولد او البنت؟؟ ولو حصلت علي صداقة لاحدى الطرفين ازكر صداقة كويسة وصداقة ندمت عليها؟؟
السؤال ده اجبارى
طيب ما علينا
نجاوب وامرنا لله
الصداقة من وجهة نظرى هى اجمل شىء فى الكون احلى حاجة بتخلى الانسان يقدر يتغلب
على صعابه بس فى حاجة انا بقصد الصداقة الحقيقة
ما العلم انى مقبلتهاش اساساً
بس ده الى لازم تكون عليه الصداقة الحقيقة ....ندمت انى عرفت واحد بس اقل ما يقال عليه..
ولا بلاش اهو الحمد لله استريحت منه
8ـ اية هو احلى موقف واسعد موقف فحياتك؟؟خلى بالك عشان عارفه الموقف
عمتاً احلى مواقف فى حياتى كانت فى اسكندريه ....وكان الموضوع فيه بيتزا كده
وكفايا كده مش هكتر
9ـ الدنيا ايه رايك فيها وفغدرها؟؟
راى زى ما قال ربنا فى كتابه "وما الحياة الدنيا الا لعب ولهو "
وعموماً هى الدنيا كده نعمل ايه بقه
10ـ هل دق باب قلبك ..ولا لسه؟؟
ياه دق واتكسر الباب كمان
بس جبت باب جديد وركبت قفل خلاص
11ـ ومتزوج والا اعزب ؟؟ وهل مبسوط ولالا؟؟
اعزب واعول الهموم
مش مبسوط قوى بس الحمد لله على كل حال
12ـ بتفكر فى ايه فى اللحظه دى ؟
فى حاجات كتير
منهم مستقبلى
13ـ وكم مره حبيت ؟
فور اربعة (مى_بسمة_ياسمين_علا)
14_ ايه اللى شاغل بالك ؟؟ وبتتمنى يتحقق ؟؟
حلمى انى اكون انسان نافع اقدر اعيش ابويا وامى فى مستوى احسن
ابنى يعيش كل الى يتمناه يلقاه وانى اطلع ابن نافع صالح من اصحاب الفردوس الاعلى
ان شاء الله
15ـ كيف شكلك ؟ههههههههههههههههههههههههههههههه؟؟
بتضحكى على ايه
الطول :يعنى ما يقرب من 180 سمـ
الوزن ممكن :65 او اكتر مش فاكر
العيون : بنى غامق
الشعر :اسود
مفيش تانى اقولك ايه اجبلك صورة يعنى
16ـماذا تعني لك الحياه؟
اسرة سعيدة بيت سعيد حياة سعيدة بس خلاص الحمد لله على كده
17ـ ماهو طموحك؟؟
انى اكون غنى ونافع للمجتمع
18ـ اكثر انسان ا حترمته فى المنتدى ؟ ( وفى الواقع )
انا من معرفش الى فى المنتدى كويس
فمينفعش احترم حد من غير ما اشوفه
وعمتاً المنتدى كله شباب محترمين وبنات محترمات
عموماً انا بحترم الناس كلها ومش حاضر معايا دلوقتى اكتر شخصيه باحترمها
19ـ اكثر شخص حبيته فى المنتدى ؟ ( وفى الواقع )
بحب الكل الحمد لله
20ـ هل انت سريع الغضب ؟ يعنى زعلت ناس منك
يعنى سريع بس بحاول اهدى نفسى
زعلت ناس كتير بس بعد كده برجع اصلحهم بس برضه بطلت
عشان ما لقتش حد يستاهل
21ـ ياترى مين اكتر انسان اثر فى حياتك بالسلب ومين قدر ياثر فيها بالايجاب؟
ابويا بس من غير ما يقصد
الايجاب كان دكتور نبيل فاروق
22ـ ايه اكتر حاجه عملتها وندمت عليها؟
انى عرفت شلة الثانوى وانى حبيت علا
23ـبتتضايق لو حد نقدك واللا ممكن تقبل النقد بصدر رحب؟
يعنى ساعات بتحرج بس مش بتضايق عشان انا بكون معتقد انى عملت حاجة
كويسة مش محتاجة نقد بس ما على ذلك بتقبل النقد بصدر رحب
24ـ مين اكثر شخص نفسك تتعرف عليه اكثر؟
ابويا نفسى يفهمنى وافهمه ويسمعنى
عموماً كده اكون الحمد لله خلصت
ويا رب اكون اخت الرضا السامى
وعموماً استمتعت جداً بأسئلتكـ يا نجلاء
مع انها كان فيها اسئلة صعبة
بس ثانك يو يا جميل وربنا يجعله عامر