مشكله وأريد الحل

السلام ع الجميع

اولا انا برحب ع الكل وعندى مشكله وعايز اعرضها عليكم وياريت تساعدونى اوك

انا مريت بتجربة حب وكانت فاشله لانى حبيبتى اتخطبت لاعز صديق ليا بس كان

غصب عنها وقلتله ان هيا بتحبنى بس هو بيحبها مووت ومفيش اى قوه تمنعه

من حبها بس هى لحد دلوقتى بتكلمنى وانا مش عارف اعمل ايه اكلمها واخسر صحبى

ولامكلامهاش واخسرها بس قبل ماستقبل الردود بتاعكم لازم تعرفوا ان الانسانه دى بالنسبه

ليا حياتى كلهاانا مستنى الرد منكم بس رد ميخسرنيش لا صحبى ولا هيه القلب الحائر

عضـو عدد الرسائل : 1262 تاريخ التسجيل : 14/01/2007

عادل ما فيش واحدة دلوقتى بتتخطب ولا تتجوز غصب عنها

ولو كانت بتحبك فعلا ماكنتش اتخطبت

لصاحبك بالذات

مهما كانت الظروف

ما تزعلش من كلامى

بس هى خلاص أختارت حياتها حتى لو زى ما بتقول غصب عنها

بس بقى ليها حياة تانية مع شخص تانى

لازم تفكر بعقلك

والحياة مش بتوقف على حد

حتتعب فى الاول زى اى حد بيحب بجد بس لما حتفكر بعقلك حتلاقى انك لما تبعد عنها

حيبقى أحسنلك

وربنا يسعدك يا رب

زائر

هى مشكله صعبه فعلا .. بس الحل فى ايد حبيبتك

هى تتكلم مع خطيبها بصراحه .. ولو هو بيعزها فعلا وبيحبك

اكيد موقفه هيتغير عن كده..

انما لو كان رد فعله غير كده .. سورى يبقى مش باقى عليك وأنانى

وبرضه تبعد عنهم الاتنين.. لانهم صعب يكون بينهم تفاهم .. واكيد علاقتهم

هتفشل .. ووقتها يقولوا انك السبب .. فأحسن تكون بعيد عن دايرتهم.